SEIGNEURIE DE LOBEL

Brief et cartulaire de 1570 Seigneurie de LOBEL à Néchin

Ce sont les briefz et cattullaires des terraiges deuz à Néchin et allenviron Seigneurie de Lobel appartenans à mesdames Elenne DE VERGY Sénéchalle de Haynault, dame de Roubais, dudit Lobel ... et Yolente DE WERCHINPrincesse d’Espinoy, « d’Onaigres »  Sénéchalle dudit Haynault, dame dudict Roubais, Lobel .... Renouvellés par les rentiers, tenans et aultres subjectz de mesdites dames « doyans » ledict terraige l’an mil cincq cens soixante dix.

 

Premiers.

 

Nicollas DE LATTRE par achat à Jacques BILLECOCQ, sur deux cens de gardin prins en sept cens mis présentement à labeur, tenus de mesdites dames et à elles seules sont le terraige, haboutant au chemin des Billecocqs, tenant au gardin Jen LE VINNIER par sa femme et à l’héritaige dudict Nicollas DE LATTRE meisme.

Willame MASUREL par achat audict Jacques BILLECOCQ, sur sept cens de terre à labeur prins en XIX cens contre Nicollas DE LATTRE comme dessus, haboutant audict chemin des Billecocqs qui maine à Toufflers, tenant à son masnoir mesme et audict Nicollas DE LATTRE.

 

Luy par achat audict Jacques BILLECOCQ sur deulx cens de gardin en son gardin manoir, tenus et terraige comme dessus, haboutans audict chemin tenant de deulx sens audict Willame MASUREL et audict Nicollas DE LATTRE.

 

Garin LE MERCHIER par achat audict Jacques BILLECOCQ, sur trois cens ung quartron demy de terre à labeur, tenus et terraige comme dessus, gisans derière le Brucquoit, tenant à l’héritaige dudict Garin LE MERCHIER, à l’héritaige des vefve et hoirs Regnault TAINTENIER et à l’héritaige Gillette LE BRUN.

Pasquier TAINTENIER par relief de feu Barbe LE BRUN sa mère, sur quattre cens prins en sept cens contre Gillette LE BRUN, tenus et terraige comme dessus, tenans d’ung sens à le terre Nicollas DE LATTRE, d’aultre à l’héritaige Garin LE MERCHIER et à la piesente allant du Brucquoy à Lannoy.

 

Gillette LE BRUN vefve de feu Anthoine DU CASTELER pour cincq cens de terre à labeur,  tenus et terraige comme dessus, tenant aulx fossez du Bruncquoy, au fief Pière LE MERCHIER et à Garin LE MERCHIER.

 

Les vefve et hoirs Regnault TAINTENIER pour trois cens de terre à labeur prins en VII cens contre le dessus nommé Pasquier TAINTENIER, tenus et terraige comme dessus, tenant à l’héritaige Nicollas DE LATTRE, audict Garin LE MERCHIER et à le piesente allant du Brucquoy à Lannoy.

Garin LE MERCHIER par achat à Jean DU QUESNE, sur un bonnier de terre à labeur, tenu et terraige comme dessus, gisant derière le Brucquoy, haboutant au chemin qui maisne du Castillon à Toufflers, tenant à le terre dudict Garin LE MERCHIER de deulx sens, à le terre des povres de Roubais.

 

Jehan LE VINNIER par Jehenne GOSSART sa femme, sur huict cens et demy de terre à labeur prins en XIX cens contre luy mesme, tenus et terraige comme dessus, tenans de deulx sens à l’héritaige Nicollas DE LATTRE et haboutant au chemin qui maisne dudict Néchin à Toufflers.

 

Pasquier, Isabeau, Marye et Jenne TAINTENIER par relief de feu Regnault TAINTENIER, sur six cens de terre à labeur, tenus et terraige comme dessus, tenans à le terre des povres dudict Néchin, à Théry DE LE PLANCQUE et as vefve et hoirs dudict feu Regnault TAINTENIER.

Nicollas DE LATTRE par relief du trespas Jean son père, sur ung cent de terre venant de Anthoine DU CHEMIN prins en VI cens, tenues et terraige comme dessus, tenant au gardin Jean DU BRUCQUOY, au chemin qui maisne de Toufflers à Leers et audict Nicollas DE LATTRE.

 

Luy par relief comme dessus, sur deulx cens de terre gisans, tenus et terraige comme dessus, venant des hoirs de feu Jehan DU TRIES, haboutans au chemin dessusdict et tenant aulx terres dudict Nicollas DE LATTRE de deulx sens.

 

Ledict Nicollas par relief comme dessus, sur un bonnier de terre à labeur tenu et terraige comme dessus, haboutant au chemin dessusdict, allant audict Leers et à Néchin, tenant à l’héritaige Jean LE VINNIER par sa femme et audict Nicollas DE LATTRE mesme.

Luy par relief comme dessus, sur sept cens demy de terre à labeur, tenus et terraige comme dessus, tenant à la piesente qui maisne dudict Néchin à Lannoy et au gardin manoir Willame MASUREL.

 

Luy sur trois cens de gardin par relief comme dessus gisans devant la porte de la censse dudict Nicollas, tenus et terraige comme dessus, haboutans au chemin allant du Brucquoy à Toufflers et de tous aultres sens tenans audict Nicollas DE LATTRE.

 

Adrien DU PRET par achat à Simonne DE LA PLANCQUE, sur quattre cens de gardin ou environ, tenus et terraige comme dessus, tenans à l’héritaige Jean DE LATTRE de Tournay, par dérière à Jean DEFFRENNES filz Nicaise, à l’héritaige Allard CARRETTE et haboutant au chemin qui maisne du Brucquoy à Bracquaval.

 

 

Jehan DE LATTRE filz de feu Hues greffier de Sainct Brixe en Tournay par relief, sur noeuf cens de terre à labeur en deulx pièches tenans ensamble, tenus et terraige comme dessus, tenans de deulx sens à l’héritaige Nicollas DE LATTRE, d’aultre à Jean DEFFRENNES filz Nicaize et à luy mesme.

 

Luy par relief comme dessus, sur quattre cens de terre à labeur, tenus et terraige comme dessus, tenans à le terre de Adrien DU PRET, en boult au lieu masoir Jean DEFFRENNES filz Nicaize, à son héritaige mesme et haboutant au chemin qui maine du Brucquoy à Bracquaval.

 

Allard CARRETTE par achat à Jean COLLART, sur huict cens de gardin manoir, tenu et terraige comme dessus, tenant au gardin du devantdict Adrien DU PRET, au chemin qui maisne dudict Néhin à Toufflers et du Brucquoy à Bracquaval.

 

 

Jehan LE VINNIER par Jehenne GOSSART sa femme, sur deulx cens de terre à labeur prins en VI cens contre Jean DU BRUCQUOY et Nicollas DE LATTRE, tenus et terraige comme dessus, haboutans au chemin qui maisne des Billecocqs à la Justice dudict Lobel et à luy mesme.

 

Ledict Jehan LE VINNIER par sadicte femme, sur trois cens de terre à labeur dérière le Brucquoy, tenus et terraige comme dessus, tenant aulx fossés du Brucquoy et à le terre Garin LE MERCHIER.

 

Les vefve et hoirs Pière LE CLERCQ et Catherine DU TRIES vefve de feu Jean ESPIERGAT pour quinze cens de terre à labeur, tenus et terraige comme les précédens, haboutans au chemin qui maisne du Castillon au petit Brucquoy, tenant à le terre du Sainct Sépuchre en Roubais et à le voye qui maine dudict Brucquoy à Lys.

 

 

 

Jehan DU BRUCQUOY par relief du trespas Loys son père, sur deulx cens et ung quartron de terre à labeur prins en quattre cens et demy de terre à labeur contre Nicollas DE LATTRE, tenus et terraige comme dessus, haboutans au chemin des Billecocqs, tenant à l’héritaige Nicollas DE LATTRE à le terre dudict Jean DU BRUCQUOY et à le terre Jean LE VINNIER par sa femme.

 

L’hospital du Sainct Sépulchre en Roubais, sur quinze cens de terre à terraige, tenus et terraige comme dessus, gisans dérière le Brucquoy, haboutans de deulx sens au chemin qui maisne du Castillonà la Justice dudict Lobel et à le terre Garin LE MERCHIER.

 

Tous lesquelz héritaiges avant dis sont tenus de mesdictes dames et à elles seulles sont le terraige.

 

 

Aultres terraiges desquelz la moictié apartient à mesmes dames, l’aultre moictié au Seigneur de Hem.

 

Philippe LE MERCHIER par achat à Nicollas DE LE CROIX, sur dix cens et les deulx parts d’ung cent de terre à labeur, tenus de mesdictes dames de leurdicte Seigneurie de Lobel et terraige par moictié allencontre du Seigneur de Hem, tenant à le terre de l’église dudict Néchin, à l’héritaige des vefve et hoirs Oste DEFFRENNES et à l’héritaige Catherine DU PRET.

 

Les vefve et hoirs Regnauld TAINTENIER, sur trois quartrons de terre à labeur, tenus et terraige comme dessus, tenant aulx terres de Saulchs, à l’héritaige Théry DE LE PLANCQUE et à le terre des povres dudict Néchin.

 

Les povres dudict Néchin, sur ung bonnier de terre à labeur en le haulte couture, tenu et terraige comme dessus, tenant as terres de Saulchs de deulx sens, d’aultre à le terre Nicollas DE LATTRE et à la piedsente passant parmy, allant du mollin dudict Néchin à Toufflers.

 

 

Lesdicts povres, sur quattre cens demy de terre à labeur, tenus et terraige comme dessus, tenans à l’héritaige Théry DE LE PLANCQUE par sa femme, à l’héritaige des enffans Guillebert PREVOST par leur mère et à l’héritaige Pasquier LHOIR.

 

Eustasse DOINGNIES escuyer par relief, sur trois bonniers noeuf cens de terre à labeur, tenant au fief de Saulch, à le terre de la Chapelle dudict Néchin, au bonnier des povres dessus déclarez, tenus et terraige comme le précédent.

 

Les enffans Regnault TAINTENIER ascavoir Pasquier, Ysabeau, Marye et Jenne par relief, sur noeuf cens de terre à labeur, tenus et terraige comme dessus, tenant à l’héritaige (blanc dans le document) et haboutant au chemin qui maisne de Wasme à la Justice dudict Lobel.

 

 

Thiéry DE LE PLANCQUE à cause de Marguerite DE CASAU sa femme, sur quattre cens demy de terre à terraige, tenus et tarraige comme dessus, haboutans au chemin allant de l’église dudict Néchin à Toufflers et à le terre de ladicte église et à le terre des vefve et hoirs Oste DEFFRENNES.

 

Péronne LE MERCHIER vefve de feu Oste DEFFRENNES, sur quattre cens et demy de terre à labeur, tenus et terraige comme dessus, tenant à le terre de ladicte église, audict Thiéry DE LE PLANCQUE par sa femme et haboutans au chemin allant de l’église dudict Néchin à la Justice dudict Lobel.

 

Adrien et Catherine DU PRET frère et sœur par relief, sur V cens de terre à labeur prins en dix cens contre Jean DEFFRENNES, tenus et terraige comme dessus, tenant de deulx sens à le terre des povres dudict Néchin, à l’héritaige Nicollas DE LATTRE et à ladicte Catherine DU PRET.

 

 

 

 

Jehan DEFFRENNES filz Oste par achat sur V cens le parfaict dese... X cens de terre à labeur, tenus et terraige comme dessus, tenant à le terre des povres et à le terre dudict Nicollas DE LATTRE.

 

Les vefve et hoirs Regnault TAINTENIER par relief, sur dix cens de terre à labeur, tenus et terraige comme dessus, haboutans au chemin de la Justice dudict Lobel, tenant à le terre de l’église dudict Néchin et à l’héritaige Regnault TAINTENIER.

 

Nicollas DE LATTRE filz de feu Jean par relief, sur quatorze cens de terre à labeur, tenus et terraige comme dessus, tenant à le terre des povres dudict Néchin, à le terre Chaterine DU PRET et à l’héritaige des hoirs Regnault TAINTENIER.

 

 

 

 

Luy par relief comme dessus pour cincq cens et le tieerch d’ung cent de terre à labeur, tenus et terraige comme dessus, tenant à le terre desdicts povres, à le terre Jean LE VINNIER et haboutans au chemin qui maisne de Toufflers à Néchin et à Leers.

 

Thiéry DE LE PLANCQUE par relief, sur quattre cens demy de terre à labeur, tenus et terraige comme dessus, tenans d’ung sens à le terre des povres dudict Néchin, à l’héritaige des hoirs Jacques GOSSART et à l’héritaige Pasquier LHOIR.

 

Ledict Thiéry par relief comme dessus, sur six cens de terre à labeur, tenus et terraige comme dessus, tenans as terres de Saulchs, à le terre desdicts povres, à le terre des vefve et hoirs Regnault TAINTENIER et à le piedsente allant du mollin dudict Néchin à Toufflers.

 

 

Les enffans Hues DU CASTELER ascavoir Gilles, Pière, Evrard, Jean, Guilleberde, Ostelette, Dano et Catherine par relief du trespas leur père, sur cincq cens de terre à labeur, tenus et terraige comme dessus, tenant au fief de Saulch, à l’héritaige Thiéry DE LE PLANCQUE et à le piesente qui maisne dudict Néchin à Toufflers.

 

L’église dudict Néchin, sur deulx cens de terre à labeur, tenus et terraige comme dessus, haboutans au chemin qui maisne dudict Néchin à Toufflers, tenant à le terre desdicts povres, à l’héritaige Thiéry DE LE PLANCQUE par sa femme et à l’héritaige des enffans Guillebert PREVOST.

 

Les enffans Guillebert PREVOST à cause de Péronne GOSSART leur mère, sur six cens de terre à labeur, tenus et terraige comme dessus, tenant à le terre Thiéry DE LE PLANCQUE, à le terre desdicts povres de deulx sens, à le terre des vefve et hoirs Regnault TAINTENIER et à Jean LE VINNIER par sa femme.

 

Tous lesquelz héritaiges avant dis sont tenus de mesdictes dames et se luy apartient la moictié du terraige et l’aultre moictié dudict terraige apartient audict Seigneur de Hem.

 

 

Aultres héritaiges qui doibvent encores terraiges, lequel terraige se partit en trois sicomme, mesdictes dames ung tierch, ung aultre tierch au Seigneur de Hem et le IIIème tierch au Seigneur de Mouscron ; comme il s’enssieult.

 

Les vefve et hoirs Oste DEFFRENNES par relief, sur son lieu masnoir contenant parmy gardin demy bonnier, tenu de mesdictes dames et terraige en tierch sicomme, mesdictes dames ung tierch, ledict Seigneur de Hem ung aultre tierch et le IIIème tierch au Seigneur de Mouscron, tenant à l’héritaige Jean DU SOLLIER, à l’héritaige desdicts vefve et hoirs mesme, à le terre de la chappelle de Néchin et au chemin daubert Rue.

 

Les povres dudict Néchin, sur dix cens de terre à labeur à la sablonnière, tenus et terraige, haboutans au chemin qui maisne du pont de pières à la Justice dudict Lobel, tenant à le terre Adrien et Chaterine DU PRET, à le terre des hoirs Regnault TAINTENIER.

 

 

Jehan DU SOLLIER l’aisné par relief, pour quattre cens demy de terre à labeur, tenus et terraige en tierch comme dessus, tenant au gardin des vefve et hoirs Oste DEFFRENNES, as terres de la chappelle de Néchin, au lieu masnoir Jean DU SOLLIER le josne et le piedsente passant parmy allant dudict Néchin à Lannoy.

 

Jehan DU SOLLIER le josne aussy par relief pour quattre cens demy de gardin manoir, tenus et terraige comme dessus, haboutans au chemin qui maisne dudict Néchin à Toufflers et le ruelle qui maisne dudict Néchin à Lannoy et au dessus nommé Jean DU SOLLIER l’aisné.

 

Luy sur six cens de terre, tenus et terraige comme dessus, tenant à sondict lieu manoir, ladicte piedsente passant parmy et son héritaige mesme.

 

 

Luy par achat à Pière LE BLANCQ et sa femme, pour deulx cens de terre à labeur, tenus et terraige en tierch comme dessus, tenant au gardin manoir Pière LE BLANCQ par sa femme, à sondit héritaige mesme, as terres de la chappelle dudict Néchin et à la piedsente dessusdicte.

 

Pière LE BLANCQ par sa femme, sur deulx cens de gardin manoir, tenus et terraige en tierch comme dessus, tenant à l’héritaige Jean DU SOLLIER le josne, à l’héritaige des vefve et hoirs Jacques PREVOST et haboutant au chemin dessusdict.

 

Pasques PLOUCQUET vefve de feu Jacques PREVOST et ses enffans pour deulx cens et demy de gardin prins en son lieu manoir, tenus et terraige en tierch comme dessus, tenant à l’héritaige Pière LE BLANCQ par sa femme, as terres de ladicte chappelle et haboutans au chemin dessusdict.

 

 

Les povres dudict Néchin, sur le tierch d’ung bonnier de terre à labeur en la haulte coulture, tenu et terraige en tierch comme dessus, haboutant au chemin qui maine dudict Néchin à Toufflers, tenant à le terre de l’église dudict Néchin, à l’héritaige Nicollas DE LATTRE et à l’héritaige des enffans

Guillebert PREVOST.

 

Gilles DU PRET responsible et des aultres parties apartenans audicts povres.

 

Pasquier LHOIR par relief du trespas de Jean son père, sur six cens demy de terre à labeur en la coulture de la sablonière, tenus et terraige en tierch comme dessus, tenans à le terre des povres dudict Néchin, à le terre Nicollas DE LATTRE, à le terre Catherine DU PRET et à l’héritaige Philippe LE MERCHIER du long.

 

Catherine DU PRET par relief, sur six cens demy de terre à labeur, tenus et terraige en tierch comme dessus, tenant à l’héritaige dudict Philippe LE MERCHIER, à l’héritaige Nicollas DE LATTRE et à l’héritaige des hoirs Regnault TAINTENIER.

 

 

Jehan DU SOLLIER l’aisné par relief du trespas de Jean son père, sur quattre cens de gardin masnoir prins en VI cens, tenus et terraige en tierch comme dessus, tenans à l’héritaige des hoirs Nicollas DE LE PLANCQUE, as terres du Seigneur de Hem et au chemin daubert rue.

 

Paul DILLY à cause de Barbe DE PONTHIEU sa femme, sur sept cens de gardin manoir, tenus et terraige en tierch comme dessus, tenant as terres du Seigneur de Hem et haboutans au chemin qui maine de Néchin à Toufflers.

 

La chappelle Notre Dame dudict Néchin pour cincq quartiers de terre à labeur, tenus et terraige en tierch comme dessus, haboutans au chemin qui maisne de le vepte au Brucquoy, tenant as terres de mesdictes dames de deulx sens, à le terre des hoirs Gilles DU CASTELER et le piedsente passant parmy allant de Leers au mollin dudict Néchin.

 

 

Ladicte chappelle, sur quattrre cens de terre à labeur prins en dix cens contre ladicte chappelle mesme qui ne doibvent terraige, tenus et terraige en tierch comme dessus, tenans du long as terres des mesdictes dames, d’aultre à le terre des hoirs Gilles DU CASTELER, à l’héritaige Pière LE BLANCQ par sa femme et le piedsente passant parmy allant daubert rue au Brucquoy.

 

Ladicte chappelle, sur dix cens de terre à labeur, tenus et terraige en tierch comme dessus, tenus du long au fief de Mauffaict, d’aultre as terres de Saulchs et haboutant au chemin qui maisne Pescq vers Toufflers.

 

Jehan LE CLERCQ je josne responsible.

 

L’église dudict Néchin, sur demy bonnier de terre à labeur, tenu et terraige en tierch comme dessus, tenant à le terre Philippe LE MERCHIER, à l’héritaige des vefve et hoirs Regnault TAINTENIER, à le terre de ladicte église mesme et haboutant au chemin qui maisne dudict Néchin à Toufflers.

 

 

Ladicte église, sur quattre cens de terre à labeur, tenus et terraige en tierch comme dessus, tenant audict demy bonnier, à l’héritaige des vefve et hoirs Oste DEFFRENNES, audict Philippe LE MERCHIER et haboutant audict chemin.

 

Mesdictes dames Dames dudict Lobel, sur XXVII cens de terre à labeur et les parties enssievant tenus de ladicte Seigneurie de Lobel et terraige en tierch comme dessus, tenant au II cens de terre à eulx mesme apartenant, à le piedsente qui maisne de le vepte à l’église dudict Néchin et à l’héritaige Nicollas DE LATTRE.

 

Item deulx bonniers deulx cens de terre, tenus et terraige en tierch comme dessus, tenant ensamble, d’aultre à l’héritaige Jehan DU SOLLIER, as terres de mesdictes dames meisme et haboutans au chemin de le vepte (ou vexte).

 

 

Item treize cens de terre, tenus et terraige en tierch comme dessus, haboutans audict chemin de la vepte, tenant à l’héritaige Jean DU SOLLIER et as terres de mesdictes dames.

Item noeuf cens de terre à labeur, tenus et terraige comme dessus, gisans à le caurette, tenans à le terre de la chappelle dudict Néchin, à le terre Jean DU SOLLIER et à le terre de mesdictes dames mesmes.

 

Item douze cens de terre à labeur, tenus et terraige en tierch comme dessus, haboutans d’ung sens au chemin daubert rue, tenant à le terre des povres dudict Néchin et au gardin Paul DILLY par sa femme.

 

Tous lesquelz héritaiges sont tenus de mesdictes dames avecq

 

 

le tierch du terraige ; item ung aultre tierch apartenant audict Seigneur de Hem et le troiziesme tierch dudict terraige apartenant au Seigneur de Mouscron.

 

 

Aultres héritaiges tenus du Seigneur de Hem qui doibvent encoires terraiges, lequel terraige se partit par moictié à mesdictes dames et audict Seigneur de Hem ; comme il s’enssieult.

 

Jehan BENIE par sa femme, sur deulx cens de terre à labeur prins en cincq cens contre luy mesme, tenus dudict Seigneur de Hem et terraige à moictié contre mesdictes dames, tenans d’ung sens à le terre Jean LE CLERCQ, d’aultre à l’héritaige Willaume BRULLOIS par sa femme, as terres de mesdictes dames, mondict Seigneur et le piedsente qui maisne de l’église à lamont passant parmy

 

Jehan DE LE PLANCQUE par achat à Nicollas DU VINNIER et Amande LE MERCHIER sa femme, sur III cens de gardin et héritaige, tenus et terraige comme dessus, tenant d’ung sens à l’héritaige Jacques COULLON, as terres de mesdictes dames et à l’héritaige Jean DE LATTRE greffier de Sainct Brixe en Tournay.

 

 

Jenne, Magdelaine, Piéronne, Piére, Marye et Jean BRACQUAVAL enffans de feu Jacques par relief, pour quattre cens de gardin nommé . agardinnet, tenus et terraige comme dessus, tenant au lieu manoir Thomas DU BAR, au lieu manoir Piére PARENT et haboutant au chemin qui maisne des bans au maresquiel.

 

Christoflinne COULLON vefve de feu Anthoine PLOUCQUET et ses enffans ascavoir Tonin, Amand, Jacquet, Jean, Gillette et Jennin, pour quattre cens de gardin manoir, tenus et terraige comme dessus, haboutans au chemin qui maisne dudict Néchin à Leers, tenant as terres du Seigneur de Hem et à l’héritaige Jean GOSSART.

 

Fernand DE LE BARRE escuyer Seigneur de Mouscron par relief, sur ung bonnier de terre à labeur, tenant à son fief de Pescq, d’aultre au chemin de le baille dudict Pescq et as terres dudict Seigneur de Hem.

 

 

Thiéry DE LE PLANCQUE à cause de Marguerite DE CASAU sa femme, sur quattre cens demy de terre à labeur, tenus et terraige comme dessus, haboutans au chemin qui maisne de l’église dudict Néchin à Toufflers, tenant à l’héritaige Jean DEFFRENNES filz Nicaise, à l’héritaige Jean LE VINNIER par sa femme et à Jean DE LATTRE de Tournay.

 

Jehan DE BOSSUT par Isabeau GOSSART sa femme par relief, sur quattre cens de terre à labeur moinctié à gardinnet, tenus et terraige comme dessus, gisans aulx Bosqueaulx, haboutans au chemin qui maisne dudict Néchin au Castillon, tenans à l’héritaige Jean DE LATTRE de Tournay et à le terre Jean POLLET.

 

Luy par sadicte femme, sur trois cens de lieu manoir gardin et héritaige, tenus et terraige comme dessus, haboutans au chemin dessusdict, tenant au fief du Carnoit, à l’héritaige Jean BARBIEUR par sa femme.

 

 

Jehan BARBIEUR à cause de Jehenne DE LE PLANCQUE sa femme, sur six cens de gardin manoir, tenus et terraige comme dessus, hanoutans au chemin dessusdict, tenant à son héritaige mesme par sadicte femme, à l’héritaige Jean DE BOSSU par sa femme et à l’hériatige Pière PREVOST.

 

Jehan LE BOURGOIS par achat as hoirs Leurent DE PONTHIEU, sur cincq cens de terre à labeur, tenus et terraige comme dessus, tenant à l’héritaige Jacques LE MERCHIER, au lieu manoir des enffans Franche LE DORPE, à l’héritaige Jean POLLET et à le terre de l’église dudict lieu Néchin.

 

Noël et Péronne BRACQUAVAL par relief, sur VII cens prins en XIIII cens de terre à labeur, tenus et terraige  comme dessus, haboutans au chemin dessusdict, tenant au lieu masnoir des enffans Franche LE DORPE et à l’héritaige Jean LE BOURGOIS.

 

 

Luy par relief comme dessus sur six cens demy de terre, tenus et terraige comme dessus, haboutans au chemin qui maisne dudict Brucquoy à le Vepte, tenant au gardin des hoirs Regnault TAINTENIER et au gardin dudict Nicollas mesme.

 

Thomas DU BAR par achat à Jean DE FRESNE, sur six cens de gardin manoir, tenus et terraige comme dessus, tenant à l’héritaige Jean DE LE PLANCQUE filz Pardigon, par derière à l’héritaige Jean DE LATTRE de Tournay et haboutant au chemin qui maisne dudict Néchin vers Toufflers.

 

Rogier TERRIN à cause de Margueritte GOSSART sa femme, sur dix cens de terre à labeur, tenus et terraige comme dessus, tenans au gardin THIEUBAULT apartenant à Anthoine DE LE RUE, à l’héritaige du Seigneur de Hem, à le terre de l’église dudict Néchin et à le piésente passant parmy allant de l’église dudict Néchin, à le censse de Pescq.

 

 

Luy par sadicte femme, sur deulx cens de terre à labeur, tenus et terraige comme dessus au XXème, tenant au lieu manoir des hoirs Jean DE FRESNE du long, à le terre Margueritte GARDIN et à l’héritaige Willame BRULLOIS par sa femme.

 

Ledict Rogier par sadicte femme, sur six cens de terre à labeur, tenus dudict Seigneur de Hem et terraige à moictié, tenans à le terre de l’église dudict Néchin, à l’héritaige Pière PREVOST, à le terre Marye DEFFRENNES et à le marlière au Blucq.

 

Les enffans Guillebert PREVOST à cause de Péronne GOSSART leur mère, sur quattrre cdens de terre à labeur, tenus et terraige comme dessus, tenans à le terre de le cure dudict Néchin de deulx aultres sens, tenans à le terre de Jean DE LATTRE de Tournay et à l’héritaige Jean POLLET.

 

 

Anne DE LE PLANCQUE vefve de feu Jean DEFFRENNES, sur quattre cens de terre à labeur, tenus et terraige comme dessus, gisans vers le mollin dudict Néchin, tenant aulx terres de Pescq, as terres de mesdictes dames et se passé la voye qui maisne dudict mollin au maresquiel parmy.

 

Marie DEFFRENNES fille de Gilles par relief, sur VI cens de terre à labeur, tenus et terraige comme dessus, tenans à le marlière au Blucq, à le terre Thomas DU BAR, à le terre du Seigneur de Mouscron, à le terre du Seigneur de Hem et à le voye dessusdicte passant parmy.

 

Jehan BARBIEUR à cause de Jehenne DE LE PLANCQUE sa femme, sur VII cens ung quartron de terre à labeur, tenus et terraige comme dessus, gisans aulx Bosqueaulx, tgenant au fief du Seigneur de Hem, à son lieu masnoir mesme, à l’héritaige Catherine LE CLERCQ vefeve de feu Nicollas DE LE PLANCQUE et haboutant au chemin qui maisne dudict Néchin à Leers.

 

 

Jehan DE LE PLANCQUE filz Pardigon par relief, sur trois cens de gardin, tenus et terraige par moictié comme dessus, gisans emprès les bans dudict Lobel, tenans à l’héritaige Jean DE LATTRE de Tournay, à son lieu masnoir mesme et haboutans au chemin qui maisne desdicts bans à le croix.

 

Jehan DE LATTRE filz de Hues greffier de Sainct Brixe en Tournay par relief, sur huict cens de terre emprès les bans dudict Lobel, tenus et terraige comme dessus, tenant as terres de mesdictes dames de deulx sens, à l’héritaige Jean DE LE PLANCQUE et haboutans au chemin qui maisne du maresquiel à le croix et six cens de terre aulx Bosqueaulx, tenans à le terre de le cure dudict Néchin, à l’héritaige Jean DE BOSSUT par sa femme, à l’héritaige des enffans de Guillebert PREVOST par leur mère et haboutans au chemin qui maisne dudict Néchin au Castillon.

 

Noël et Péronne BRACQUAVAL par relief, sur trois cens de terre à labeur, tenus et terraige comme dessus, tenant à l’héritaige Rogier TERRIN par sa femme, au gardin manoir Pière PARENT et le piedsente passant parmy allant de l’église dudict Néchin à le Baille de Pescq.

 

 

Lesdicts Noël et Péronne par relief, sur deulx cens de terre à labeur dénommée à gardinnet prins en VI cens demy contre les enffans Jean DEFFRENNES, tenus et terraige comme dessus, tenant à l’héritaige des hoirs Jacques BRACQUAVAL, à l’héritaige des enffans Jean DEFFRENNES filz Godefroy, à l’héritaige Rogier TERRIN par sa femme et haboutant au chemin qui maisne du maresquiel à ladicte baille de Pescq.

 

Pière PARENT par relief du trespas Franche son père, sur deulx cens de lieu masnoir, tenus et terraige comme dessus, prins en VI cens demy contre le précédent, tenant à l’héritaige des hoirs Jean DEFFRENNES filz Godefroy, à l’héritaige des hoirs Jacques BRACQUAVAL et à l’héritaige Catherine LE CLERCQ vefve de feu Nicollas DE LE PLANCQUE.

 

Jeanne, Nicollas, Anthoine et Willaume DEFFRENNES par relief, sur deulx cens demy de gardin manoir prins esdicts VI cens demy contre les précédens, tenus et terraige comme dessus, tenant au lieu manoir Noël et Péronne BRACQUAVAL, au lieu manoir Pière PARENT et le piedsente passant parmy allant dudict Néchin à le baille de Pescq.

 

 

Pière PREVOST filz de Jean, sur six cens de terre à labeur, tenus et terraige comme dessus, tenans aulx terres du Carnoit de deulx sens, à le terre Jean DE LE PLANCQUE, à l’héritaige Jean BARBIEUR par sa femme de deulx sens et à l’héritaige Jean DE BOSSU par sa femme.

 

Jean POLLET par achat à Jean HAIZON, sur demy bonnier de terre à labeur aulx Bosqueaulx, tenu et terraige comme dessus, tenant à l’héritaige Jacques LE MERCHIER, à l’héritaige Damian LE BOURGOIS, à l’héritaige Jean DE BOSSU par sa femme, à l’héritaige Jean DE LATTRE de Tournay et haboutant au chemin qui maisne dudict Néchin vers Lers.

 

Andrieu CAPPETTE à cause de Marye DEFFRENNES ou LE DORPE sa femme, sur II cens III quartrons de gardin manoir, tenus et terraige comme dessus, haboutans au chemin dessusdict, tenant à l’héritaige Willaume BRULLOIS par sa femme, à l’héritaige des hoirs Franche LE DORPE et à l’héritaige Jean POLLET.

 

 

Ladicte église, sur dix cens de terre à labeur, tenus et terraige comme dessus, tenant à l’héritaige Rogier TERRIN par sa femme, à l’héritaige Pière PREVOST et as terres du Seigneur de Mouscron.

 

Willaume BRULLOIS à cause de Marye DEFFRENNES sa femme, sur cincq cens demy de terre à labeur, tenus et terraige comme dessus, tenant à l’héritaige Margueritte GARDIN, as terres de mesdictes dames et à la piedsente passant parmy allant de l’église au mollin dudict lieu.

 

Rogier TERRIN par Margueritte GOSSART sa femme, sur cincq cens trois quartrons de terre à labeur, tenus et terraige comme dessus, tenant à le terre de l’église dudict Néchin, d’aultre à le terre Jean LE BOURGOIS et au lieu masnoir Jacques LE MERCHIER filz de Philippe.

 

 

Les enffans Guillebert PREVOST par relief, sur trois quartrons ou cens de terre  à labeur, tenus et terraige comme dessus, tenant au gardin masnoir Willaume BRULLOIS par sa femme, à le terre de l’église dudict Néchin et au lieu manoir Andrieu CAPPETTE.

 

Tous lesquelz héritaiges déclarez en ce dernier chappitre sont tenus dudict Seigneur de Hem et la moictié du terraige à luy apartenant et l’aultre moictié dudict terraige aparteant à mesdictes dames.

 

NB : Suivent les signatures du Lieutenant et des hommes de fief et échevins de la Seigneurie : Jan DU CASTILLON, Jacques COULLON, Pierre DE LE PLANQUE, Philippe LE MERCHIER et Jan DE LE PLANCQUE.

 



28/07/2011
0 Poster un commentaire

Inscrivez-vous au blog

Soyez prévenu par email des prochaines mises à jour

Rejoignez les 14 autres membres