SEIGNEURIE DE LOBEL

Comptes du 20 novembre 1533, chap. 3 et 4, Srie de Lobel à Néchin

Aultre recepte faicte par ledict receveur à cause des terres qui sont baillées à plusieurs, aussy ung terraige quy se lie…e sur héritaiges doyans herbans comme il s’ensieult.

 

Asscavoir.

 

De la vefve Pierart COULON et Pierart DU CHASTELER lesquelz tiennent en cense le terme de neuf ans, trois bonniers XIII cens de terre, asscavoir deux bonniers deux cens de terre à disme en trois
pièces, l’une de XII cens derrière le courtil Jehan BLANWET, haboutant à le terre de Monseigneur de Hem et à Jehan DE LATRE, item XX cens de terre tenant à le mote de molin d’Ennechin et aux terres de Pecq et à le mote du molin d’huylt, et de II cens tenant à le terre des hoirs Oste PLOUCQUET et au chemin quy maisne du Brucquoit vers le Chastillon et XXVII cens de pré à terraige tenant
ausdicts II cens et à le terre des hoirs Jehan DE LECLUZE et à Jehan DE LATRE filz Colart, pour lesquelles terres ilz rendent chacun an  wyt et chergiet, asscavoir pour celles à disme à l’advenant de X £ le bonnier et deux capons sur tout et pour celles à terraige VIII £ demy du bonnier, s’est icy comptet pour le VIIème année de IX escheue à la Chandeler XV C XXXII : XXXV £ XII solz VII deniers obole.

 

Ajout en marge : Selon le compte précédent. Soit le bail faict selon le compte finy XXIX.

 

 

Page 2

 

De la vefve et hoirs Jehan DU TRIEU pour le cense d’un bonnier de terre à terraige à esteulle de bled, tenant au chemin de le Vepte, à l’arentement des hoirs Jehan DU SOLIER et aux terres de Madame qu’ilz tiennent neuf ans cont…elz rendant par an et icy comptet pour la VIIème année de IX escheue à le Chandeler XV C XXXII : VIII £ X solz.

 

De Nicaise DESFRESNES pour la cense de XIII cens à terraige à esteulle de bled, tenant au chemin de le Vepte, aux hoirs Jehan DU SOLIER, aux terres de Madame, qu’il tient neuf ans, rendant par an et icy comptet pour le VIIème année de IX escheue à la Chandeler XV C XXXII, audict pris de VIII £ X solz le bonnier : VI £ XVIII solz I denier obole.

 

Audict Nicaise pour la cense de X cens de terre à disme à esteulle d’avaine, tenant à le mote du molin, aux terres de Pecq et au Seigneur de Hem, qu’il tient neuf ans, rendant par an à l’advenant
de X £ le bonnier et icy comptet pour le VIIème année de neuf escheue à la Chandeler de ce compte : VI £ V solz.

 

 

Page 3

 

De Pierart LE MERCHIER pour la cense de VIII cens de terre à disme, à esteulle d’avaine après aoust XV C XXV, gisant devant les bans de Laubel, tenant à le terre Colart CASAU par sa femme et aux
terres de Pecq et au chemin, qu’il tient neuf ans audict pris de X £ le bonnier par an et icy comptet pour le VIIème année de neuf escheue à la Chandeler XV C XXXII, oultre demy capon comptet cy après : C solz.

 

Dudict Pierart LE MERCHIER pour le cense de IX cens de terre à disme, à esteulle d’avaine après aoust XV C XXIIII, gisant à le Collerette, tenant à le terre de le Chapelle d’Ennechin et à le terre Jehan DU SOLIER et aux terres de Madamoiselle qu’il tient neuf ans, rendant par an à l’advenant VIII £ X solz le bonnier et ung capon sur tout, s’est icy comptet pour la VIIIème année de IX escheue à le Chandeler XV C XXXII : C solz XI deniers I parti.

 

De la vefve et hoir Jehan DU TRIEU pour la cense de XVIII cens de terre à terraige à esteulle de bled, tenant au chemin de le Vepte, aux terres de Madamoiselle qu’ilz tiennent IX ans à VIII £ X solz
le bonnier, s’est icy com ptet pour la VIIème année escheue à la Chandeler de ce compte : IX £ XI solz III deniers.

 

 

Page 4

 

De Jehan DES FRESNES filz de feu Philippart pour la cense de deux bonniers de terre à disme gisant en la cousture de Latre, tenant aux terres Monseigneur de Hem, aux terres Jehan LE CLERCQ et à le terre de le cure qu’il tient neuf ans rendant par an IX £ du bonnier, s’est icy comptet pour la VIIème année de neuf escheue à la Chandeler de ce compte oultre deux capons : XX £.

 

De Estienne DE PONTHIEU pour la cense de XII cens de terre à terraige à esteulle d’avaine, tenant au chemin d’Aubert rue, à le terre des povres et au gardin Jehan DE PONTHIEU qu’il tient neuf ans
rendant par an et icy comptet pour la VIIème année de neuf escheue à la Chandeler de ce compte : VI £.

 

De Pierart PARFAIT pour la cense de XII cens de terre à disme à esteulle d’avaine après aoust XVC XXVII, tenant au fief de Piere DU PRET, à Jehan LE CORNU et aux terres de Madamoiselle qu’il tient
neuf ans rendant par an et icy comptet pour la VIIème année escheue à la Chandeler de ce compte : VII £ X solz.

 

 

Page 5

 

De Jehan LE CLERCQ filz de Jehan pour la cense de cincq quartiers de terre à disme à esteulle d’avaine XVC XXV, tenant au fief Piere DU PRET, à le terre Monseigneur de Hem et à Ernoul ESPINOIT, qu’il tient à cense IX ans, rendant par an VIII £ X solz du bonnier et icy comptet
pour la VIIème année escheue à la Chandeler XVC XXXII : X £ XII solz VI deniers.

 

De Jehan BLANWET lequel tient en cense le terme de trois ans, le terraige d’Ennechin quy se « lieve » sur les terres doyans herbans, tant sur ceulx tenuz de Madamoiselle comme sur ceulx
tenuz de Hem et dont le Seigneur de Hem en a portion contre Madamoiselle, rendant par an à la Chandeler XIIII rasières de bled et XIIII rasières avaine dont sera fait recepte de la IIème année escheue à la Chandeler de ce compte, comptet au compte des grains cy après.

 

Montent les chapons deuz par les devantdicts censiers avec lesdicts bledz et argent VI capons I VIIIème revenduz à V solz VI deniers pièce icy : XXXIII solz VIII deniers I parti.

 

Somme de rente d’argent :

VI XXII £ XIIII solz I denier obole.

 

 

Page 6

 

Aultre recepte faicte par ledit Receveur à cause des reliefz et dixiesmes escheuz en l’an de ce compte, comme il s’ensieult.

 

Asscavoir.

 

Par le trepas de Sieracq DE LANNOY et de Templeuve a esté receu le plain relief du pret qui fu Madamoiselle de la moityé folio XIX que doit par an VII deniers obole et demy rasière avaine pour ce de Arnoul DE LANNOY son filz : XXXIII solz III deniers.

 

Par le trespas de Jehan PREVOST filz Hoste a esté receu le plain relief de I cent de gardin pris en IIII cens folio II, sur la vefve Hoste PREVOST qui doit demy cappon de relief pour ce, de ladicte vefve : VIII deniers I parti.

 

Par le trespas de Catterine NOLLARD femme à Jehan DE LE PLANCQUE a esté receu les demy reliefz qui s’enssuieult, asscavoir de XIII C et demy de terre à terraige en III pièces, folio (blanc dans l’acte), pour ce de Thiery son filz : IX solz IIII denier sobole.

 

Item le demy relief de VII cens demy de terre pris en XX cens folio (blanc dans l’acte) que doit le …. …. Obole par ce de Perdigon son filz : I parti.

 



02/04/2012
0 Poster un commentaire

Inscrivez-vous au blog

Soyez prévenu par email des prochaines mises à jour

Rejoignez les 14 autres membres