SEIGNEURIE DE LOBEL

Etat de la St Rémy 1567 Seigneurie de Lobel à Néchin.

Estat Amand CAPPETTE Lieutenant de la Seigneurie de Lobel à Néchin, des droix seigneuriaulx par lui receus et écheus en ladite Seigneurie durant le terme de ung an et aussy sur ce payé et délivré. Comenchant le jour St Rémy XV C LXVI (1566) jusques et comprins la veille de ottel enssieut XV C LXVII (1567). Comme il s’enssieut.

 

Premiers.

 

Du vendaige faict par Jacques BILLECOCQ à Anthoine PLOUCQUET de ung petit lieu manoir contenant parmy gardin I cent d’héritaige gisant et tenu de ladite Seigneurie de Lobel, haboutant au chemin qui maine de la Justice du dit Lobel vers le Castillon, tenant dez deulx sens aux héritaiges Jehan DU TRONCQUOIT pour le prys

 

 

Page 2

et somme de CL £ parisis francq argent. Icy pour le dixiesme et affranchissement   XVI £ X Sols.

 

Du vendaige faict par le dit Jacques BILLECOCQ à Jehan DU BRUCQUOIT de cincq quartrons de gardin  « ancquies » et pour plantés d’arbres, fruys portans et aultres bois montans, gisans et tenus comme dessus, haboutans au dit chemin, tenans à l’héritaige Anthoine PLOUCQUET et à l’héritaige du dit acheteur mesme, pour le prys et somme de CX £ parisis francq argent, icy pour le dixiesme et affranchissement   XVI £ X Sols.

 

Du vendaige faict par Rogier LEHAZE fils de feu Bettremieu

 

 

Page 3

à Anthoinette DE LE RUE vefve de feu Jehan DU CASTILLON, de deux cens de prêt et pasture « ancquies » d’arbres, fruys portans et bois montans, gisans et tenus comme dessus, tenans à l’héritaige de ladite achetresse et ses enffans, d’aultre à l’héritaige Pière PLOUVIER par sa femme, à l’héritaige Jacques GOSSART et au rieu qui maine du bois du Bois vers le Haut Pont, pour le prys et somme de Cent Livres parisis francq argent, icy pour le dixiesme et affranchissement    XI £.

 

Somme XLIIII £.

 

 

Page 4

 

Mises payés par le dit Lieutenant sur et allencontre de la recepte avant dite. Comme il s’enssieut.

 

Premiers.

 

Aux hommes de fiefz de ladite Seigneurie de Lobel à Néchin, pour avoir adjugié les bans de mars et d’aoust ceste année XXX Sols.

 

A Estienene DU BRUILLE et Philippe DELAOULTRE sergens du dit Lobel, pour une année de leurs gaiges d’avoir excersé l’office de sergent d’icelle Seigneurie finus au clos  de ceste estat à IIII £ chacun VIII £.

 

Pour despens de bouche fais par les bailly, lieutenant

 

 

Page 5

hommes de fiefz, greffier et sergens au retour d’avoir faict visitations des chemins sur ladite Seigneurie ceste année IIII £ X Sols.

 

Audit greffier pour avoir fourni l’estat dudit bailly en double, payé    XII Sols.

 

Somme XIIII £ XII Sols.

 

Nous hommes de fiefz et eschevins de ladite Seigneurie de Lobel soubsignés, certiffions à tous qu’il appartiendra que durant le temps et terme de ce présent estat, ne sont, en ladite Seigneurie, ne apparrus, escheus nulz aultres droix seigneuriaulx que ceulx cy devant déclarez tesmoings noz seings manuelz cy mis le XVIII ème jour d’octobre dudit an XV Cent soixante sept.

 

Suivent les signatures :

 

LEGRAND                   Jan DESFRFENNE

       Jan DU CASTILLON

 



03/11/2011
0 Poster un commentaire

Inscrivez-vous au blog

Soyez prévenu par email des prochaines mises à jour

Rejoignez les 14 autres membres