Etat de la St Rémy 1585. Seigneuries de Néchin.
Déclaration des reliefz des fiez, ventes d’héritaiges, amendes et aultres exploix de justice advenus es terres et Seigneuries de Lobel à Néchin, Royère et fief du Bois, depuis la St Rémy XV C IIII XX IIII (1584) jusques et comprins la veille de ottel jour XV C IIII XX cincq (1585) quy est pour ung an enthier.
Premiers.
Reliefz des fiefz dudict Lobel à Néchin, Royère et fief du Bois.
Quand aux reliefz de fiefz advenus es dictes Seigneuries qu’elles soient venues à congnoissance pour ceste année icy : néant.
Page 2
Droix seigneuriaulx et dixiesmes des héritaiges vendus, tenus de ladicte Seigneurie de Lobel à Néchin.
De la vente faicte par Philippes PRESVOST à Arnould DU SOULLIER labourier demeurant au dict Néchin de trois cens de gardin gisantz au dict Néchin et tenus de la dicte Seigneurie de Lobel,
tenantz à l’héritaige de la Chapelle du dict Néchin, à l’hiritaige Nicollas DE GAND mosnier et au chemin quy maisne de Lobel Rue vers Toufflers, pour le pris et somme de C XX livres parisis, francq argent, portant le droict seigneurial et affranchissement : XIII £ III Sols.
De la vente faicte par Noël CRAUWIN et Catherine PARENT sa femme demeurans à Pecq sur l’Escault à Gilles FLOREQUIN haultelicheur demeurant au dict Néchin de IIII cens de terre à labeur gisans et
tenus comme dessus, tenantz à l’héritaige Daniel PROUVOST, à la terre des hoirs Jehan PARENT et à la piedsente quy maisne du bois du Bois à l’église du dict Néchin. Pour le
Page 3
pris et somme de C LXVIII livres parisis francq argent, portant le droict seigneurial et affranchissement : XVIII £ IX Sols VII deniers.
De la vente faicte par Anthoine DESCAMPS procureur espécial de Nicollas DU TRIEZ et Michielle CARPENTIER, Joachim et Jehan DU TRIES à Isambart LEZYS de IIII cens et demy de terre à labeur gisantz au dict Néchin et tenus du dict Lobel, tenant à l’héritaige Philippes LE MERCHIER et au chemin quy maisne du Quesvelet à l’Enffant à Wasne. Pour le pris et somme de C LXVI livres parisis francq argent. Porte le droict seigneurial et affranchissement : XVII £ IIII Sols II deniers I partie.
Page 4
Droix seigneuriaulx, dixiesmes des héritaiges vendus, tenus de la Seigneurie de le Royère.
De la vente faicte par Franchoise LE BARBIEUR à Pierre ISYS de demy bonnier de terre à labeur gisantz à Harihem et tenus de la dicte Seigneurie de le Royère, haboutant au chemin quy maisne de
Tournay au pont de Hermonpont, à le terre des hoirs Jacques CASTELAIN et à le terre quy fut à Estienne DU HAMEL. Pour le pris et somme de IIII XX XVI livres parisis francq argent. Portant le droict seigneurial et affranchissement : X £ XV Sols VI deniers.
Fiefz du Bois.
De la vente faicte par Pierre DESTOMBES labourier demeurant à Lers à Pierre DE WERP demeurant à Néchin de II cens III quartrons ou environ de
Page 5
gardin gisantz au dict Néchin, tenus de la dicte Seigneurie et fief du Bois, tenantz à l’héritaige Toussains DU BRUILLE par sa femme, à lhéritaige de la vefve Willaume DU QUESNE et haboutant au
chemin quy maisne du Quesne Pied Leu vers la Royère. Pour le pris et somme de LXVII livres X Sols parisis francq argent. Portant le droict seigneurial et affranchissement : VII £ VIII SolsVI deniers.
Amendes fourfaictes et escheues es dictes Seigneuries de Lobel à Néchin, Royère et fiefz du Bois.
Quand aux amendes fourfaictes sur les dictes Seigneuries qu’elles soient venues à congnoissance pour ceste année icy : néant.
Page 6
Nous soubsignez, hommes de fiefz et eschevins de la terre et Seigneurie de Lobel à Néchin, Royère et fiefz du Bois, certiffions et pour véritté attestons à tous qu’il appertiendra que aultres reliefz, droix seigneuriaulx et amendes ne sont escheues es dictes Seigneuries de Lobel, Royère et fiefz du bois durant et depuis la St Rémy IIII XX IIII (84) jusques et comprins la St Rémy IIII XX V (85) que ceulx déclarés en ce présent estat et déclaration du moing qu’ilz soient venus à notre congnoissanche.
Tesmoings :
(Suivent les signatures :)
Jan DU PRET
Pierre DE LE PLANQUE
CORNUT et MARISSAL Greffier.
