Etat des années 1627 et 1628 des Sries de Lobel et de la Royère à Néchin.
Déclaration des reliefz des fiefz, ventes d’héritaiges, dixiesmes deniers, droix seignouriaulx et aultres droix et exploitz de justice advenus et escheus es terres et Seignouries de Lobel à
Néchin, Royère, fief du Bois, Bourgies et Comte audit Néchin depjuis et comprins le jour de Pasques « communiaulx » an seize cens vingt sept jusques et comprins la veille de pareil jour an seize cens vingt huict, quy est pour le terme d’un an enthier.
Premiers.
Reliefz des fiefz tenus de ladite terre et Seignourie de Lobel à Néchin.
De Pierre DU PRET filz de feu Jehan demeurant audit Néchin, pour le relief de tout ung fief à luy succédé et escheu par le trespas dudit feu Jehan son père, gisant en la paroisse de Néchin et tenu de ladite terre et Seignourie de Lobel se comprendant en douze cens de terre à labeur séans audit Néchin, lequel fief doibt VII Sols VI deniers de relief à la mort de l’héritier, le Xème denier à la vente, don ou transport quand le cas y eschiet et « service » de court, icy pour ledit relief : VII Sols VI deniers.
Page 2
De Maximilien DESMOUCRON procureur et receveur espécial de noble homme Arnould GANTHOIS Seigneur de Templeuve Lez Dossemetz pour le relief de tout ung fief à luy succédé et escheu par le trespas de feu Nicollas GANTHOIS quy fut son père .. dieu abs…, gisant en la paroisse dudit
Néchin, nommé le fief de Maufect de Saulch tenu de ladite Seignourie de Lobel, se comprendant en unze bonniers V cens d’héritaige ou environ et en plussieurs rentes seignourialles qui se prendent chacun an sur plussieurs héritaiges tenus dudit fief, lequel fief de Maufect doibt chancun an au terme de Noël VIII Sols IIII deniers de « herbat » et dix livres parisis de relief à la mort
de l’héritier et service en court, icy pour ledit relief X £.
Et pour le cambrelaige, icy XX Sols.
Royère.
De Jacques DU PRET filz de feu Jehan demeurant audit Néchin pour le relief de tout ung fief à luy succédé et escheu par le trespas dudit feu Jehan son père, gisant audit Néchin et tenu de ladite Seigneurie de la Royère, se comprendant
Page 3
en VII cens d’héritaige ou environ séans audit Néchin et tenus de ladite Royère, tenans au triés de ladite Royère, lequel fief doibt de III années l’une la meilleure de relief à la mort de l’héritier, le
Xème denier à la vente, don ou transport quand le cas y eschiet et service en court, icy pour ledit relief IX £ XV Sols.
De Pierre LE MERCHIER filz de feu Jacques pour le relief de tout ung un fief à luy succédé et escheu par le trespas dudit Jacques son père, gisant audit Néchin et tenu de ladite Royère, se comprendant en III cens ung quartron ou environ de terre à labeur gisans audit Néchin, lequel fief doibt de trois années l’une la meilleure de relief à la mort de l’héritier, le Xème denier à la vente, don ou transport quand le cas y eschiet et service en court, icy pour ledit relief XVII £ X Sols.
Page 4
Droix seignouriaulx et dixiesmes deniers des héritaiges vendus, tenus desdites Seignouries.
Premiers.
Lobel.
De la vente faicte par Gilles, Nicollas, Jehenne, Marie et Anne DE LESCLUZE frères et sœurs enffans et héritiers de feu Pierre demeurans à Néchin à Moyse DE LE RUE laboureur demeurant audit Néchin, de sept cens ou environ de terre à labeur gisans audit Néchin et tenus de ladite
Seignourie de Lobel pour le pris de sept cens livres parisis francq argent, dont les deshéritemens et adhéritemens ont esté faictz le XIXème jour du mois d’apvril an 1627, faict icy le droict seignourial et affranchissement LXXVII £ parisis.
De la vente faicte par Quintin MILLOT et consors, hoirs et héritiers de feu Jehan PARENT à Jacques DE FRESNES laboureur demeurant audit Néchin de cincq cens et demy de terre à labeur prins en unze cens gisans audit Néchin et tenus de ladite Seignourie de Lobel, pour le pris et
Page 5
Somme de V C XLVIII £ parisis francq argent dont les deshéritemens et adhéritemens ont esté faictes le XXIIIème jour du mois d’octobre an 1627, faict icy le droict seignourial et affranchissement la somme de LX £ V Sols VI deniers.
De la vente faicte par Charles GAHYDE et Marguerite POTTIER sa femme laboureurs demeurans en la paroisse de Camphain à Catherine DU CASTILLON vefve de Jehan CORNU de IIII cens ou environ de terre à labeur gisans audit Néchin et tenus de ladite Seignourie de lobel pour le mpris de III C
XLVIII £ parisis francq argent dont les deshéritemens et adhéritemens ont esté faictz le pénultiesme jour du mois de novembre an XVI C XX sept, faict icy le droict seignourial et affranchissement la somme de XXXVIII £ V Sols II deniers.
De la vente faicte par Jehan DESESPRECHINS et Jehenne DEFFRENNES sa femme laboureurs demeurans en la paroisse de Jughoighem pays de flandres à Jacques DE FRESNES laboureur demeurant audit Néchin de III cens ou environ de terre à labeur prins en VI cens contre les enffans Jacques DEFFRESNES gisans audit Néchin et tenus de ladite Seignourie de Lobel pour le pris de
Page 6
trois cens livres parisis francq argent dont les deshéritemens et adhéritemens ont esté faictz le XXIXème jour du mois de décembre an 1627, faict icy le droict seignourial et affranchissement la somme de XXXIII £ parisis.
De la vente faicte par Jehan BROUCQ filz de feu Jacques, Josse LE FEBVRE et Marie BROUCQ sa femme demeurans à Néchin à Maître Adrien DESREVEAULX demeurant audit lieu, de IIII cens ou environ de terre à labeur gisans audit Néchin et tenus de ladite Seignourie de Lobel pour le pris
de cent quattre vingts huict livres parisis francq argent, dont le deshéritement a esté faict le XVIIème jour de janvier 1627 et l’adhéritement le premier jour de febvrier enssuivant, faict icy le droict seignourial et l’affranchissement XX £ XIII Sols VIII deniers.
De la vente faicte par Daniel DU TRONCQUOY laboureur demeurant audit Néchin à Jehan DESPRETZ filz de Guillaume et Catherine PLOUCQUET sa femme demeurans audit Néchin de deux cens de jardin et héritaige gisans et tenus dudit Lobel pour le pris de cent quattre vingtz livres parisis
francq argent, dont les deshéritances et adhéritances ont esté faictz le XXIIIIème de janvier 1628, faict icy le droict seignourial et affranchissement XIX £ XVI Sols.
Page 7
Royère.
De la vente faicte par Inghel DE LE MOTTE bourgeois demeurant en la ville et cité de Tournay à Pierre BOURGHOIS filz de feu Damien demeurant en la ville et cité de Tournay, de tout ung lieu manoir amasé de maison manable, contenant parmy jardin, douze cens d’héritaige ou environ
gisant audit Néchin et tenus de ladite Seignourie de la Royère, pour le pris de XII C £ parisis francq argent, dont les deshéritement et adhéritement ont esté faictz le IIème jour du mois de novembre an 1627, faict icy le droict seignourial et affranchissement, la somme de icy CXXXII £.
De la vente faicte par décret et exécution de justice en icelle Seignourie de la Royère décret seroit demoré à Jacques COULLON filz de Jacques pour le pris de VII C IIII XX XIII £ parisis chacun
paiant ses droix dont l’adhéritement a testé bailie le noeufiesme jour de mars 1627, faict icy le droict seignourial la somme de LXXIX £ VI Sols.
Mention en marge : Porté au compte précédent … rayé.
Page 8
Pour la vente faicte par décret et exécution de justice en la gouvernance de Lille de XIIII cens de lieu manoir jardin et héritaige, arrentement et IIII cens de terre à labeur gisans à Néchin et tenus
de la Royère vendus comme appartenant à Gilles DE LE BECQUE filz de feu Cézar dont le décret seroit demoré à Pierre LE COMTE demeurant à Lannoy, pour le pris de XI C XX £ parisis, dont l’adhéritement a testé donné le (blanc dans l’acte)
faict icy le droict seignourial la somme de icy CXII £.
De la vente faicte par Catherine DU BRUILLE vefve de feu Jacques BROUCQ demeurante audit Néchin à Jacquelinne PIPART vefv e de Jehan DU PRET demeurante audit Néchin, de demy cent de lieu jardin et héritaige gisant audit Néchin et tenu de la Seignourie de la Royère pour le pris de
XLVIII £ parisis francq argent, dont les deshéritances et adhéritances ont esté faictz le IIIIème jour de may an 1627, faict icy le droict seignourial et affranchissement IIII £ XIX Sols VII deniers.
De la vente faicte par Jehan PLOUCQUET filz feu Jehan marissal demeurant à Néchin à Allard VISART filz de feu Pierre demeurant audit Néchin de ung cent de terre à labeur gisant audit Néchin et tenu de ladite Seignourie de la Royère pour le pris de LX £ parisis francq argent, dont le droict seignourial et affranchissement porte (le deshéritement et adhéritement faict le XVIème de novembre 1627) : VI £ XII Sols.
De la vente faicte par décret et exécution de justice en la gouvernance de Lille le XVIIIème de juillet 1625 d’un bonnier de terre à labeur fief gisant audit Néchin et tenu de la Royère, comme appartenant à Allard DU CASTILLON et Jehenne DEFFRENNES sa femme, pour le
Page 9
Pris de V C IIII XX VII £ IIII Sols IX deniers dont le décret seroit demoré à … … procureur
demeurant à Lille, lequel en auroit faict son command de sa personne de Adrienne PROUVOST quy en seroit esté adhérité le XIIIIème de décembre 1627, faict icy le droict seignourial LIX £
XIIII Sols VI deniers.
Début de la seconde année fiscale s'étendant probablement de Pâques 1627 à Pâques 1628.
Aultres droix seignouriaulx et dixiesmes deniers des héritaiges vendus, tenus desdites Seignouries de Lobel à Néchin, Royère, fief du Bois, Bourgies et Conte à Néchin.
Premières.
Lobel à Néchin.
De la vente faicte par Ambroise « COURIER » filz de feu Jacques demeurant à Néchin à Gilles MARSY et Michièle DE CASAU sa femme demeurans à Templeuve Lez Dossemetz, de ung cent de jardin et héritaige à prendre en IIII cens contre Adrienne DE CASAU et lesdits acheteurs, gisans audit Néchin et tenus de ladite Seignourie de Lobel pour le pris de IIII XX XVI £ parisis francq argent dont les deshéritemens et adhéritemens ont esté faictes le Xème jour du mois de juillet an 1628, faict
icy le droict seignourial et affranchissement, la somme de X £ XI Sols II deniers.
Page 10
De la vente faicte par Nicollas, Jehan, Josse, Pierre et Jacques DESREVEAULX et consorts, hoirs et héritiers de feu Philippes DESREVEAULX et de deffuncte Jehenne LE ROUGE demeurans à Lannoy à Sébastien DU CHA….E bourgeois demorant en la ville de Tournay, de tout ung fief gisant audit
Néchin et tenu de ladite Seignourie de Lobel, se comprendant en tout ung droict de terraige qui se ..enne et prent chacun an sur plussieurs terres et héritaiges séans audit Néchin allencontre des Seignouries desdits Lobel et de Mouscron, portant les deniers principaulx dudit marchié à la somme de VM VIIIC XXXIII £ VII Sols VIII deniers parisis francq argent, dont les deshéritement et
adhéritement ont esté faictz … ledit deshéritement le IIème de jour de juing an XVIC vingt huict et l’adhéritement ledit IIème de juing dudit an 1628, faict icy le droict seignourial et affranchissement, la somme de VI C XLI £ XIII Sols IIII deniers parisis.
De la vente faicte par décret et exécution de justice en ladite terre et Seignourie de Lobel à Néchin de la juste moictié de XI cens de terre à labeur gisans audit Néchin et tenus de ladite terre et Seignourie de Lobel, vendus comme appartenant aux héritiers et enffans de feu Jehan PARENT
dont le décret seroit demoré à Maître Adrien DESREVEAULX pour le pris de VI C LX £ parisis, faict icy le droict seignourial LXVI £ parisis.
Page 11
Royère.
De la vente faicte par les enffans et héritiers de feu Philippes DESREVEAULX à Marie DE LE DICQUE vefve de… nolp..s dudit Philippes DESREVEAULX et par…ant de Jehan PREVOST demeurant à Lannoy, de ung bonnier XIIII cens de lieux masnoir jardin, héritaige et terres à labeur gisans
audit Néchin et tenus de ladite terre et Seignourie de la Royère, pour le pris et somme de deux mil cens livres parisis francq argent dont le deshéritement a testé faict le dernier jour de mars an 1628 et l’adhéritement le IIIème jour du mois d’aoust dudit an, faict icy le droict seignourial et affranchissement pour le terrement de la Royère, la somme de II C XXXI £ parisis.
De la vente faicte par Jacques DE LA MARE à Pierre LE CONTE demeurant à Lannoy d’un bois nommé le bois Cornu et aultres parties d’héritaiges gisans audit Néchin et tenus de la Seignourie de la Royère, pour le pris de II M IIII C X £ parisis francq argent, dont le deshéritement a testé
faict le IIème jour d’aoust 1628 et l’adhéritement le mesme jour, faict icy le droict seignourial et affranchissement la somme de II C LXV £ II Sols.
Nous soubsignez hommes de fiefz et eschevins des terres et Seignouries de Lobel à Néchin, Royère, fief du bois Bourgies et ...
Manque la dernière page.
