Etat du 14 octobre 1565 Seigneurie de Lobel à Néchin.
Estat en brief que faict et rend Gilles DU PRET Lieutenant de la Seigneurie de Lobel à Néchin et des « appendences » et apparten… ………. enthiérement que ceste receu des droix de dixiesmes reliefz,
amendes et aultres fourfaitures escheues en icelle Seigneurie, et aussy sur ce payé et délivré depuis et comprins le jour St Rémy XV C soixante quattre jusques et comprins la veille de ottel enssuivant XV C LXV (1565), lequel estat ledit Lieutenant faict out par amendements et à monnaie de Flandres comme il s’enssieult.
Premiers.
Quant aux reliefz des fiefz tenus de ladite Seigneurie de Lobel ceste année Néant.
Du vendaige faict par Simonne DE LE PLANCQUE vefve de feu Jehan
Page 2
DE LE GRANGE à Adrien DU PRET de IIII cens de gardin appellé le Gardin de Corman gisans et tenus de ladite Seigneurie de Lobel ancquié et po…, planté d’arbres, fruyts portans et aultres bois montans tenans à le terre Jehan DE LATTRE de Tournay, au gardin manoir de Jehan DEFFRENNES et
haboutant au chemin qui maine du Brucquoit vers Toufflers pour le prys et somme de II C IIII XX £ parisis francq argent, icy pour le dixiesme et affranchissement XXX £ XVI Sols.
Quant aux amendes escheues ceste année en ladite Seigneurie, icelles pour visitations des chemins sont en « cane…. ». Parquoy Néant.
Quant aux biens « espaniés » et droit de confiscation ceste année en icelle Seigneurie Néant.
Pour et totale somme de recepte par s…
Page 3
Mises sur et allencontre de la recepte avantdite, comme il s’enssieult.
Premiers.
Aux hommes de fiefz de ladite Seigneurie de Lobel pour avoir adjugié les bans de mars et d’aoust de ceste année LXV, XXX Sols.
A Estienne DU BRUILLE et Philippe DE LAOULTRE Sergens dudit Lobel pour une année de leurs gaiges, d’avoir excersé ladite office finy au clos de ces présents comptes à IIII £ chacun VIII £.
Pour dépens fais par lesdits bailly, Lieutenant, hommes de fiefz, Sergens et greffier de ladite Seigneurie au rethour d’avoir faict visitation des chemins IIII £ X Sols.
Page 4
Audit Lieutenant pour une journée employée à avoir esté à Roubais empeschié avecq lesdits bailly et greffier à faire et fourmer ce présent estat XXIIII Sols.
Pour avoir faict et fournie en double l’estat dudit Lieutenant, payé comme de coustume XII
Sols.
Pour et totale somme des mises de ce présent estat XV £ XVI Sols.
Et la recepte porte XXX £ XVI Sols.
Ainsy appert que doibt ce Lieutenant la somme de quinze livres parisis.
Nous hommes de fiefz et eschevins de ladite Seigneurie de Lobel soubsignez, certiffions à tous pour vérité que durant le temps et terme de ce présent estat ne sont escheus nulz aultres droix, amendes
ny fourfaictures en icelle Seigneurie ne aussy nulz aultres de …… que ceulx cy
dessus …. chié, tesmoing noz seings manuel cy mis le XIIIIème octobre 65.
Suivent les signatures :
Jan DEFFFRENNE Jan DE LE PLANCQUE
Jaque GOSSART Jaques DU PRET
