Etat du 16 octobre 1561.
Estat, Jacques COULLON
Lieutenant de la Seigneurie de Lobel à Néchin, de tous les droix seigneuriaulx, amendes
et fourfaitures escheues en icelle Seigneurie et aussy sur ce payé et « deluire » depuis
et comprins le jour Saint Rémy XV cens soixante jusques et comprins la veille
de ottel jour enssieuvant XV cens LXI que est pour le terme de ung an. Comme il
s’enssieult.
Premiers.
Quant aux reliefz des fiefz
escheues en ladite Seigneurie, desquelz ce lieutenant a eu la maniance ceste
année.
Du vendaige faict par Anthoine PLOUCQUET et Margueritte DU BRUCQUOIT
sa femme à Jacques BILLECOCQ de IIII cens demy de gardin manoir gisant
audit Néchin et tenus de ladite Seigneurie de Lobel, haboutans au chemin qui
maine du Brucquoit à le Justice dudit Néchin, tenans à l’(h)éritaige Nicollas
DE LATTRE et
à l’(h)éritaige Jehan DU BRUCQUOIT, pour le pris et somme de IIII
cens Livres francq argent, icy pour le Xème et affranchissement
XLIIII £
Du vendaige faict par Jehan DEFFRENNES à Jehan DEFFRENNES filz de feu Oste de
X cens de terre à labeur gisans et tenus comme dessus en le coulture de le sablonnière,
tenans à le terre des povres dudit Néchin et à le terre Nicollas DE LATTRE, pour le pris et
somme de CL Livres francq argent, icy pour le Xème et affranchissement XVI £ X s
Du vendaige faict par Pière LE BLANCQ et Jehenne DU SOLLIER sa femme à Jehan
DU SOLLIER de II cens demy de terre à labeur gisans et tenus comme dessus,
tenans à la piesente qui maine
de Laubert Rue au Brucquoit à le terre de la chappelle dudit Néchin et à l’(h)éritaige
dudit DU SOLLIER, pour le pris et somme de XL Livres Parisis francq argent, icy
pour le Xème et affranchissement IIII £ VIII s
Payé comme LXIIII £ XVIII s
Aultre recepte à cause des amendes et fourfaitures escheue en ladite Seigneurie
durant l’an de ce compte, comme il s’enssieult.
Premiers.
De Jehan LE BLON de Willem par vérités tenues l’an précédent a esté condempné
pour deux frettes non rabattues audit Willem en la somme et icy VI £
Payé comme
Le somme LXX £ XVIII s
Miseé et d....... faictes et payées par ledit lieutenant sur et allencontre de la recepte
avant dite, comme il s’enssieult.
Premiers.
Aux hommes de fiefz de ladite Seigneurie de Lobel pour avoir « advigié » les bas de
mars et d’aoust XXX s
A Bonus PLOUCQUET et Estienene DU BRUILLE Sergens dudit Lobel pour les gaiges
d’un an avoir excersé ledit office. VIII £
Pour despens fais par ledit Lieutenant, hommes de fiefz, sergens et aultres en faisans
visitations des chemins sur ladite Seigneurie de Lobel. LVIIII s
A Simon CRAUWIN et Simon ROLLAND soyeurs d’aix pour avoir soyé ung quesneau
es bois de le Royère en asselin, posteaulx et seulles pour en refere les bans dudit
Lobel ou a esté trouvé CLIIII piedz soyé à X sols le cent. VII £ X s
A Martin LAMBERT clauteur en Tournay pour cloux par luy livré employez en ladite ...re
payé apparant par quictance. XI £ X s
A Jehan DE LE PLANCQUE pour LVI piedz de seulles employez en ladite ..re au pris de II sols
le pied porte. CXII s
Pour quattre carrées de bois soyez venant dudit quesneau amenné dudit bois de le
Royère ausdits bans à Laubel à X sols le quarrée. XL s
A Estienene DU BRUILLE manouvrier pour une journé par luy employé a avoir esté en
la ville de Tournay querrier les cloux dessusdits. VIII s
A Jacques PLOUCQUET marissal dudit Néchin pour deux cloux à roses servans ausdits
bans payé. IIII s
A philippe et Jacques LE MERCHIER père et filz et Anthoine DESCAMPS carpentiers pour
XII jours employez a avoir refaict et remis subzlesdits bans de Lobel à X sols, IIII sols et X
sols le jour. XIIII £ VIII s
A Jacques LE GRAND greffier dudit Lobel pour avoir faict ce présent estat en double
comme de coustume. XII s
XLIX £ XVIII s
Nous hommes de fiefz et eschevins de ladite Seigneurie de Lobel soubsignez, certiffions
à tous qu’il appartiendra que durant le temps et terme de ces présens comptes ne sont
escheus nulz aultres droix seigneuriaulx ou mises que ceulx m......n en cedit présent
estat tesmoing, le XVI ème d’octobre XV cens soixante ung.
Suivent les signatures de : Jan DUCATELLON, Jan LE MERCHIER et Jan DESFRENES
