SEIGNEURIE DE LOBEL

Etat du 20 octobre 1564. Seigneurie de Lobel à Néchin.

Estat Jacques COULLON Lieutenant de la Seigneurie de Lobel à Néchin de tout ce enthièrement qu’il a eu et receu des droix et dixiesmes, amendes et aultres fourfaictures escheus en icelle Seigneurie depuis et comprins le jour Sainct Rémy XV C soixante trois jusques et compris la veille de ottel jour enssuivant XV C LXIIII quy est pour le terme de ung an e..hies. Lequel estat se faict tout par amendements tant en recepte qu’en mises et à monnaie de Flandres comme il s’senssieult.

 

Premiers à cause des reliefz des fiefz.

 

De Loys DE LE THOMBE lequel par le trespas de feu Pière son frère a relevé ung  fief gisant
et tenu deladite Seigneurie de Lobel, ce compredant en ung reget rue et bort de chemin sur le chemin qui main des bans dudit Lobel

 

 

Page 2

 

au Castillon tenans à le terre des hoirs Philippes LE MERCHIER et à le terre Jehan POLLET, lequel fief doibt une paire de blans gans de relief à le mort de l’héritier, le Xème denier à le vente et transport
et s…ce en court. Icy pour ledit relief lesdits gans en nature    III deniers.

 

De Andrieu HARDY pour l’achat par luy faict à Jacquemine LE BRUN femme à Jehan CARPENTIER de ung fief gisant et tenu comme dessus un lieu que l’on dit le Brucquoit, ce comprendant en III cens de terre à labeur tenans à l’héritaige Jehan LE VINIER par sa femme, étang, fossés dudict
Brucquoit lequel doibt à la vente, relief de dix solz parisis, le Xème et se..ce en court comme dessus. Icy pour ledit relief        X Sols.

 

 

Page 3

 

Quant aux amendes fourfaictures ce compteur n’en a nulle receu parcequ’au transport de les recepteur cedit Lieutenant fut « deppotté » par quoy           III deniers.

 

Première Somme de recepte   X Sols.

 

 

Page 4

 

Aultre recepte à cause des ventes d’(h)éritaiges escheues l’an de ce présent estat. Comme il s’enssieult.

 

Premiers.

 

Du vendaige faict par Jehan CARPENTIER et Jacquemine LE BRUN sa femme à Andrieu LE HARDY de XVI cens d’héritaige tant lieu manoir gardin que terre à labeur III cens fief appellé le Brucquoit tenans de plusieurs sens aux héritaiges de Nicollas DE LATTRE et haboutant au chemin qui maine de la vepte vers la Justice dudit Lobel, pour le pris et somme de mil livres parisis francq argent, icy pour le Xème et affranchissement    CX £.

 

Du vendaige faict par Jacques BILLECOCQ à Willaume MASUREL

 

 

Page 5

 

de IIII cens de gardin manoir amasé de maison et aultres édiffices gisans et tenus comme dessus haboutant au chemin qui maine du Crocquet à ladite Justice, tenant à l’héritaige Nicollas DE LATTRE et à Jehan DU BRUCQUOIT et VII cens de terre à labeur gisans et tenus comme dessus haboutans audit chemin tenans ausdits IIII cens de gardin et à la terre Jehan VINNIER par sa femme, pour le pris et somme de VII C £ francq argent. Icy pour le Xème et affranchissement     LXXVII £.

 

Quant au vendaige faict par Jehan POLLET à Jan PLOUCQUET de V cent de gardin gisans et tenus comme dessus tenant à l’héritaige dudit acheteur à Jehan et au chemin du Prêt, pour le prys

 

 

Page 6

 

et somme de IIII C XXV £ parisis francq argent montant pour le Xème et affranchissement
XLVI £ XV Sols. Ledit acheteur n’en est « encores » héritier parquoy III deniers.

 

Du vendaige faict par Margotine DE LE PLANCQUE vefve de feu Pière DE LE THOMBE à Jehan LE CLERCQ filz de feu Jehan de ung bonnier de terre à labeur gisant et tenu comme dessus tenant à le terre de mesdames à le terre des vefve et enffans Jehan DU CASTELLER et à Jehan PARENT, pour le pris et somme de IIII C £ francq argent. Icy pour le Xème et affranchissement          XLIIII £.

 

Du vendaige faict par ladite Margueritte à Jacques DU

 

 

Page 7

 

PRET de ung fief appellé le fief Cardon gisant et tenu comme dessus, ce comprendant en ung regect rue et bort de chemin sur le chemin qui maine des bans dudit Lobel au Castillon tenant à le terre des hoirs Philippe LE MERCHIER et à le terre Jehan POLLET, pour le pris et somme de IIII £ francq argent. Icy pour le Xème et affranchissement        VIII Sols IX deniers.

 

Quant aux biens « espanes », droit de confiscations et aultres amendes et fourfaictures ceste année.

 

IIème Somme

            II C XXXI £ VIII Sols IX deniers.

 

Totale somme de recepte :

            II C XXXI £XVIII Sols IX deniers.

 

 

Page 8

 

Misée et delivrances faictes et payees par ledit Lieutenant allencontre de la recepte avantdite.

 

Premiers.

 

Aux hommes de fiefz de ladite Seigneurie de Lobel pour avoir adiugié les bans de mars et d’aoust           XXX Sols.

 

A Estienene DU BRUILLE et Pierre DE RASCHE Sergens dudit Lobel pour une année de leurs gaiges d’avoir excersé l’office de Sergent finy au clos de ce présent estat à IIII £ chacunVIII £.

 

Pour despens fais par les Lieutenant, hommes de fiefz, greffier et Sergens au retour d’avoir faict visitations des chemins sur ladite Seigneurie LXIIII Sols.

 

 

Page 9

 

A ce compteur pour une journée par lui employé à avoir esté à Roubais fourmer avecq le greffier ce présent estat             XVI Sols.

 

Audit greffier pour avoir fourmé ce présent estat en
double                       XII Sols.

 

P.. et b…le somme de mises.

        XIIII £ II Sols.

Et la recepte porte :

        II C XXXI £ XVII Sols  IX deniers.

 

Doibt ce compte par ce présent estat deux cens dix sept livres XVI Sols IX deniers parisis.

Nous hommes de fiefz et eschevins de ladite Seigneurie de Lobel soubsignez certiffions à tous pour vérité et durant le temps de ce présent estat signa…t que ledit Lieutenant à excersé ladite office
ne sont sourvenus aultres droix que ceulx dessus touchiés tesmoings noz seings manuelz cy mis le XXème jour d’octobre cedit an LXIIII.

 

Suivent les signatures :

 

Jan DEFFRENNE           Jan LE MERCHIER

Gilles DU PRET        Jaques DU PRET

 



18/11/2011
0 Poster un commentaire

Inscrivez-vous au blog

Soyez prévenu par email des prochaines mises à jour

Rejoignez les 14 autres membres