Etat du 23 octobre 1560
Estat, Jacques COULLON comme Lieutenant de la Seignerie de Lobel à Néchin, des droix seigneuriaulx dixiesmes, amendes et fourfaictures escheus en ladite Seigneurie depuis et compris le jour Saint Rémy XV cens LIX (1559) jusques et compris la veille de ottel jour enssievant XV cens soixante, lequel estat ledit Lieutenant faict tout amendement comme il s’enssieult.
Premiers à cause des dixiesmes.
Du vendaige faict par Jehenne DU BUS vefve de feu Willaume LE POULTRE, Jehan LEURENT et Collette GONTIER sa femme, Jehan DU PRET et Jehenne GONTIER sa femme à Jehan LE CLERCQ filz de feu Anthoine de tout ung lieu manoir contenant parmy gardin ung cent demy ou environ gisant audit Néchin et tenu de ladite Seigneurie de Lobel, haboutant au chemin qui maine des Brayelles à le Lee Rue et tenans de trois sens à l’héritaige dudit acheteur pour le pris et somme de CLXVIII Livres francq argent, icy pour le dixiesme et affranchissement XVIII Livres IX Sols VII Deniers
Du vendaige faict par Bernard DEFFRENNES à Jehan PARENT de IIII cens
Page 2
de terre à labeur gisans et tenus comme dessus tenans à l’héritaige des vefve et enffans Charles DELECLUZE, à le terre dudit acheteur, à le terre Piere DE LE THOMBE et la piesente qui maine de l’église dudit lieu au bois du Bois passant parmy, pour le prix de II C XXI Livres parisis francq argent, icy pour le dixiesme et affranchissement. XXIII Livres VI Sols II deniers
Du vendaige faict par Piere et Arnoud VAN DER BECQUE frères, George BOUCHART et Jehan ARENT à Simon PHILPPOT de XII cens VIII verghes de terre gisans en la paroisse de Ramegnies et tenus comme dessus, haboutans au chemin royal tenans as terres de la Bonne Maison, de le voie et à le terre Jaspart MARISSAL pour le pris de V C XXVIII Livres francq argent, icy pour le dixiesme et affranchissement. LVIII Livres I Sol VII Deniers
Page 3
Aultre recepte à cause des amendes et fourfaictures escheues en ladite Seigneurie durant le terme de ce compte comme il s’enssieult.
Premiers.
Quant aux amendes cest année eschue en ladite Seigneurie.
Page 4
Misee allencontre de la recepte avant dicte comme icy s’enssieult.
Premiers
Aux hommes de fiefz de ladite Seigneurie de Lobel pour avoir adiugié les bans de mars et d’aoust payé : XXX Sols
A eulx pour dépens de bouche fais avecq les bailly, lieutenant et sergens au retour d’avoir fait visitation des chemins sur ladite Seigneurie : LXIII Sols
A Estienene DU BRUILLE et Louis PLOUCQUET sergens dudit Néchin pour une année de leurs gaiges d’avoir excersé l’office de sergent finy an clos de ces présens comptes et III Livres chacun : VIII Livres
Pour avoir fournie l'estat dudit Lieutenant en double : X Sols
Page 5
Ausdits hommes de fiefz pour avoir adiugié les véritez "généralles" tenus cepte année sur ladite Seigneurie et appendance payé : XV Sols
Audit Lieutenant, Jehan LE MERCHIER, Piere DE LE THOMBE et Jehan DEFFRENNES hommes de fiefz de ladite Seigneurie pour avoir esté publier lesdites vérités à Willem par ung jour de dimenche, payé : XXIII Sols
A eulx pour avoir esté faire samblable publication à Bailleul en Tournesis : XXIII Sols
Pour dépens fais par les bailly, cedy lieutenant Jehan DU CASTILLON, Jehan LE MERCHIER, Piere DE LE THOMBE, Gilles DU PRET, Jehan DEFFRENNES, Gilles DU BUS hommes de fiefz, Jacques LEGRAND greffier et quattre sergens en tenans lesdites vérités audit Willem le Xème jour d’octobre XV Cens LX payé : VII Livres IX Sols
Pour samblable dépens fais par lesdits bailly, lieutenant, hommes de fiefz,
Page 6
greffier et sergents le XVII ème dudit mois enssuit en tenans lesdites vérités audit Néchin, payé : IX Livres X Sols
Pour aultres dépens fais par lesdits lieutenant, hommes de fiefz, greffier et sergens audit Bailleul en Tournésis en tenans "illecq" lesdites vérités le lendemain : LXVI Sols
Audit LE GRAND greffier pour avoir rédigié par escript les dépositions des manans et habittans dudit Willem, Néchin et Bailleul subgectz ausdites véritéz lesdits IIII jours icy comme de coustume à XVI Sols par jour : XLVIII Sols
A Simon CRAUWIN et Jehan GOSSART soyeurs « daix » demeurans à Templeuve lez Dossemetz pour avoir soyé ung quesne en asselin et posteaulx au bois de le Royère pour en refaire les bans de ladite Seigneurie de Lobel payet apparant par quictance : CXVII Sols VI Deniers.
Page 7
Pour avoir caryé ledit bois soyé du bois de ladite Royère en la maison « prochomne » desdits bans, payé : XX Sols
Nous hommes de fiefz et eschevins de ladite Seigneurie de Lobel certiffions à tous qu’il appertiendra que durant le temps et terme de ce présent estat ne sont escheus en icelle Seigneurie nulz aultres droix seigneuriaulx que ceulx dessus touchié et que aussy ont esté faictes les mises y touchié, tesmoing les seings manuelz d’aulcuns de nous. Le XXIII ème jour d’octobre audit an XV cens soixante.
Suivent les signatures de Gilles DU PRET, Jan DUCASTILLON, « Estienne » DU BUS et Jan DEFFRENNE.