Etat du 5 novembre 1568 Ségneurie de Lobel à Néchin
Estat, Jehan DU CASTILLON Lieutenant de la Seignonrie de Lobel à Néchin, de tous les droix seignonriaulx, reliefz, amendes et aultres fourfaictures escheus en ladite Seignonrie durant le terme de ung an comenchant le jour St Rémy XV C LXVII (1567) et finichant la veille de ottel jour ensieuvant XV C LXVIII (1568), comme il s’enssieult.
Premiers.
De Bon DU PRET Escuyer Seigneur de Baudimont, lequel par le trespas de Demoiselle Jehenne DU PRET sa sœur a relevé ung fief gisant et tenu de ladite Seignonrie de Lobel appellé le fief du Carnoit ce comprendant parmy lieu manoir amasé de maison, granges, estables, portes, estans et
aultres eddifices aincy
Page 2
Fossés, « ecuiwes », bois esc…gles et très a la b.. tout tenant enssamble XV bonniers d’héritaiges ou environ tenant de deux sens aux terres de ladite Seignonrie de Lobel, au fief Cornille DE
COURCELLES, au chemin du Plant.. et au chemin qui maine des bans dudit Lobel au Castillon. Lequel fief doibt chacun an à ladite Seignonrie VII Sols VI deniers de « herban » à l’église dudit Néchin, une rasée d’aune et dix livres de relief à le mort de l’héritier. Par quoy icy pour ledit relief X £.
A cause des ta..tes d’héritaiges.
De Adrien DE MENTHOYE esm…. Seigneur DE DOORENT, lequel a vendu à Jehan CLARISSE demeurant à Pescq Lez L’Escault, deux bonniers de terre à labeur gisans en la paroisse de Bailleul en
Page 3
Tournesis et tenus de ladite Seignonrie de Lobel, haboutant au grand chemin allant de Tournay à Courtray et aux héritaiges du Seigneur de Estambourg, pour le prys et somme de VIII C £ parisis francq argent, icy pour le Xème et affranchissement IIII XX VIII £.
Somme de recepte
IIII XX XVIII £.
Page 4
Mises et délivrances allencontre de la recepte an……… comme il s’enssieult.
Premiers.
Aux hommes de fiefz de ladite Seignonrie de Lobel pour avoir adjugié les bans de mars et d’aoust de ce compte XXX Sols.
A Estienene DU BRUILLE et Philippe DE LAOULTRE Sergens dudit Lobel pour une année de leurs gaiges à IIII £ chacun par an VIII £.
Pour despens de bouche fais par les bailly, Lieutenant, hommes de fiefz et Sergens au retour d’avoir faict visitation des chemins sur ladite Seignonrie IIII £ X Sols.
Page 5
Pour avoir faict et fourmé au présent estat un double XII Sols.
Ausdits bailly, Lieutenant, hommes de fiefz, greffier et Sergens dudit Lobel pour une journée d’information tenue audit Néchin par eh..ge de madame mada.. la s..schulle touchant la bleschure faicte à Amand CAPPETTE clercq dudit Néchin payé à Jehan DU GARDIN hoste VI £ X Sols.
A « huyt » tesmoings ..s en ladite information tant dudit Néchin … de ladite Seignonrie de Lobel que de …. Bailleul en Tournésis XVI Sols.
Page 6
A Philippes DE LAOULTRE et Estienene DU BRUILLE Sergens dudit Néchin pour leurs vacations lesdits t…s payé XVIII Sols.
Audit CASTILLON pour sa journée d’avoir esté à Roubais et Watrelos fourmer au présent estat et payé au bailly le relicqua de ce dit estat XXIIII Sols.
P… faict totale sommes les mises de ce présent estat xxv £ V Sols.
Faict la recepte porté IIII XX XVIII £.
Ainsy appert que doibt ce Lieutenant pour plus avoir receu et payé la somme de soixante douze livres XV Sols parisis.
Nous hommes de fiefz et eschevins de ladite Seignonrie de Lobel à Néchin soubsignés
Page 7
Certiffions à tous qu’il appartiendra que durant le temps et terme de ce présent estat ne sont en ladite Seignonrie escheus nulz aultres droix seignonriaulx que ceulx dessus couchiés, tesmoings noz seings manuelz y mis, le Vème jour de novembre XV C LXVIII (1568).
Suivent les signatures de :
Jan DE LE PLANCQUE
Pierre DE LEPLANCQUE
Jaque COULLON
Jan DEFFRENNE
