Etat du jour de la St Rémy 1588
Déclaration des reliefs de fiefs, ventes d’héritaiges, amandes et aultres exploix de Justice advenus es terres et Seigneurie de la Royère, fief du Bois, Bourgies, Conte et Lobel à Néchin depuis
la St Rémy XV cents IIII XX sept (1587) jusques et comprins la veille de ottel jour XV cents IIII XX huict (1588), quy est pour ung an enthier.
Premiers.
Reliefz des fiefz tenus desdites Seigneuries de la Royère, fief du Bois, Bourgies, Conte et Lobel à Néchin.
Royère, fief du Bois Bourgies et Conte.
Quant aux reliefz des fiefz desdites Seigneuries aulcunes n’en sont escheus durant ceste année partant icy.
Page 2
Lobel à Néchin
(page blanche non reproduite)
Page 3
Droix seigneuriaulx et dixiesmes des ventes d’héritaiges tenues desdites Seigneuries.
Premiers.
Royère.
Du vendaige faict par Jacques DU PRET demeurant à Néchin à Jehan DU PRET demeurant audit lieu de V cens de terre à labeur, fief gisans audit lieu tenus de ladite Seigneurie de la Royère, tenant au bois du petit mally et à l’héritaige Clément DE FRESNE. Pour le pris et somme de CLXVIII £ivres parisis francq argent. Porte le droict seigneurial et affranchissement XVIII £ IX Sols XII deniers.
De la vente faicte par Philippe BRACQUAVAL et sa femme à Jehan GUERMAUPRET demeurant à Néchin de toutte part et action qu’ils auront en IIII cens ou environ de lieu manoir et gardin gisant à Néchin et tenu de la Royère, tenant à l’héritaige Gilles DE SAINS et au chemin allant du
Castillon vers Lannoy pour le pris de XXX £ parisis francq argent. Porte le droict seigneurial et affranchissement LXVI Sols
De la vente faicte par le susdit Jacques DU PRET, Jacques, Anne, Pierre et Jehenne DU PRET ses consors audit Jehan DU PRET de III cens ou environ de terre à labeur gisant à Néchin et tenus de ladite Seigneurie de la Royère tenant à l’héritaige Jehan CORNU et à le terre Jehan DEFFRESNES
pour le pris et somme de C £ parisis francq argent. Porte le droict seigneurial et affranchissement XI £
De la vente faicte par Grigoire et Cornille PAYELLE à Gilles DE SAINS Sergeant
Page 4
En la gouvernance de Lille de XIIII cens I quartron de terres à labeur gisans à Lers prins en II bonniers XIII cens III quartrons d’héritaige tenus de ladite Seigneurie de la Royère, haboutant au chemin quy maisne Toufflers au Castillon, pour le pris de mil £ parisis francq argent.
Porte le droict seigneurial et afffranchissement CX £
De la vente faicte par Adrien DE LE PLANQUE demeurant à Lers à Anthoine DESCAMPS demeurant à Templeuve de III cens de terre à labeur gisans à Néchin et tenus de ladite Seigneurie de la Royère, tenant de deux sens à l’héritaige Jehan CORNU et à l’héritaige des hoirs Jehan DE LE PLANCQUE, pour le pris de CVIII £ parisis francq argent. Porte le droict seigneurial et affranchissement XI £ XVII Sols VII deniers
De la vente faicte par Messire Jehan DE LATTRE Escuyer Seigneur « D’ONDENHOVE.. » Lieutenant *//* (la suite du présent paragraphe se trouve dans le document d’origine en bas de la page suivante)
*//* de la gouvernance de Douay à Nicollas DE FATRIPPART Escuyer Seigneur DE SASSEGNIE et Damoizelle Catherine DE LA CHAPELLE son espouze de XV cens de terre en deux pièches séans à Lers et tenus de la Royère, pour le pris de IIII cents XXX £ivres parisis francq argent. Porte le droict seigneurial et affranchissement XLVII £ VI Sols
Fief du Bois.
De la vente faicte par Gilles DU PIRE et Catherine MAT.E sa femme à Pierre DE WERP cousturier demeurant à Néchin de II cens de gardinnaige gisans à Néchin et tenus du fief du Bois, tenant au bois de la Royère et aux terres de Madame pour le pris de CVIII £ parisis francq argent. Porte le droict seigneurial et affranchissement XI £ XVII Sols VII deniers
Page 5
Bourgies.
Quand aux droix seigneuriaulx et dixiesme deniers des ventes d’héritaiges tenus de ladite Seigneurie de Bourgies aulcune chosse n’en est advenue durant ceste année partant icy.
Conte.
Quand aux dixiesmes deniers et droix seigneuriaulx escheus durant ceste année en ladite Seigneurie de Conte (aulcune) chosse n’en est advenue icy escheue partant icy.
(en ce bas de page dans le document d’origine se trouve un renvoi de la page
précédente, replacé dans son paragraphe pour la présente transcription)
Page 6
Lobel à Néchin.
Du vendaige faict par Ollivier PLOUCQUET à Michelle DU BAR femme de Lucq PLOUCQUET de V cens ou environ de terre à labeur gisans à Néchin et tenus de ladite Seigneurie de Lobel tenant au gardin Jehan LECLERCQ et à la piedsente menant dudit Néchin au Breselle pour le pris et somme de XX
cents X £ivres parisis francq argent portant le droict seigneurial et
affranchissement XXIIII £ II Sols
De la vente faicte par Anthoine LECLERCQ, Oste ESCHEVIN et Catherine LECLERCQ sa femme à Pierre COULLON procureur et Martinne ZEGHERS sa femme demeurant en la ville de Tournay de vingt cens de terre à labeur en une pièche gisans en la cousturre du « Queselet » à l’Enffant tenus
dudit Lobel et tenans aux héritaiges Thierry DE LE PLANCQUE, aux héritaiges des hoirs de feu Nicollas DE LATTRE et au chemin quy maisne dudit
Page 7
Néchin à Toufflers pour le pris et somme de V cents LXVIII £ivres V Soles parisis francq argent. Portant le droict seigneurial et affranchissement LVII £ X Sols I denier
Du vendaige faict par Gilles FLORQUIN et Grardinne LEZAIRE à Philippes VAN REUST de ung cent ou environ de gardinnaige gisant à Néchin et tenu dudit Lobel, tenant au gardin Jehan DE LE PLANCQUE dict Perdigon et au chemin quy maisne du Castillon à Lobel, pour le pris et somme de XLVIII £ivres
parisis francq argent, porte le droict seigneurial et affranchissement V £ X Sols VII deniers
De la vente faicte par Anthoine LECLERCQ, Oste ESCHEVIN et Catherine LECLERCQ sa femme à Meurisse GROCHART de trois cens et demi de gardinnaige séans audit Néchin et tenus de ladite Seigneurie de Lobel, tenanz de deux sens aux héritaiges dudit acheteur et aux terres de l’église dudit Néchin, pour
Page 8
le pris et somme de IIII XX XIX £ivres IX Sols IIII deniers parisis. Porte le droict seigneurial et affranchissement X £ XIIII Sols V deniers
De la vente faicte par Décret à Arnoult DU SOULLIER demeurant à Néchin de VIII cens de gardinnaige et II cens de terre à labeur séans en la paroisse dudit Néchin et tenus de Lobel, tenans ceste VIII cens aux héritaiges de Jehan DE LATTRE, Willaume « MASSEL » et au chemin allant de Lers à la Justice de Lobel, pour le pris de III cens XVI £ivres parisis chacun paiant ses droix. Porte le droict seigneurial XXXI £ XII Sols
Amendes escheues esdictes Seigneuries de la Royère, fief du Bois, Bourgies et Conte.
Quand aux amendes fourfaictes durant ceste année esdictes Seigneuries, aulcunes n’en sont escheues dumoingz quy soient venues en la congnoissance dudict Lieutenant partant icy.
Page 9
Lobel à Néchin.
De Jehan DE LE PLANCQUE dict Perdigon demeurant audict Néchin pour avoir bleschié à plaie ouverte et sang coullant Pierre DE LE PLANCQUE filz de feu Jehan. Condampné en l’amende de LX Sols
Nous soubsignez, hommes de fiefz et eschevins des Seigneuries de La Royère, Fief du Bois, Bourgies, Conte et Lobel à Néchin. Certiffions et pour vérité attestons à tous qu’il appartiendra que aultres reliefz, droix
Page 10
Seigneuriaulx et dixiesmes deniers et amendes ne sont escheuz durant ceste année esdictes Seigneuries que ceulx mentionnez en ce présent estat du moings quy soient venus à notre congnoissance. Tesmoings noz seingz manuelz cy mis.
Suivent les signatures :
Jan DE LE PLANCQUE Hugue DE LE RUE
J. CORNUT Jacques DU PRET
