SEIGNEURIE DE LOBEL

Etat du jour de la St Rémy 1596 des Seigneuries et Fiefs de Néchin.

Déclaration des reliefz de fiefz, ventes d’héritaiges, droix seignouriaulx et dixiesme deniers des héritaiges vendus tenus des Seigneuries de Lobel à Néchin, Royère, fief du Bois, Bourgies, Conte venus et escheus depuis et comprins le jour St rémy XV Cents IIII XX quinze, jusques et comprins
la veille de pareil jour XV Cents IIII XX seize, comme il s’enssieult.

 

Premiers.

 

Relief des fiefz tenus desdites Seigneuries.

 

Quand aux reliefz des fiefz tenus d’icelles
Seigneuries escheus durant ledit terme icy.

 

Droix seigneuriaulx et dixiesme des héritaiges
vendus tenus de ladite Seigneurie de Lobel à Néchin.

 

De la vente faicte par Jehan DEFFRENES filz d’Oste demeurant au dit Néchin à Arnould DU SOLIER demeurant au dit lieu, de cincq cens de terre à labeur gisans au dit Néchin et tenus de ladite Seigneurie de Lobel pour

 

 

 

Page 2

Le pris de deux cens dix livres parisis francq argent dont le deshéritement et adhéritement a esté faict le XXVIIème jour de novembre an XV cents IIII XX quinze, porte le droict seignourial et
affanchissement          XX £ II Sols.

 

Royère.

 

De la vente faicte par Jehan DE LE GRANGE à Noël FLORCQUIN demeurant au dit Néchin de deux cens et demy de terre à labeur gisans à L(e)ers et tenus de ladite Seigneurie de la Royère pour le pris de cent livres parisis francq argent,  le deshéritement et adhéritement faict le XIIIème jour de may an XV cents IIII XX seize, porte  le droict seigneurial et affranchissement        XI £.

 

De la vente faicte par Anne DU CASTILLON à Estienne FRE(….) et Anne DE LE RUE sa femme de dix cens ou environ de terre de gardinnaige et lieu masnoir gisant au dit Néchin et tenus de ladite Seigneurie de la Royère, depuis

 

 

Page 3

ratrais à tiltre de proximité lignagière par Jehan DU PRET et Jacquelinne PIPPART sa femme, portant les principaulx deniers à la somme de cincq cens vingt six livres parisis francq argent, les déhéritances faictes le XIIème de febvrier XV Cents IIII XX seize et adhéritance les XIIIème
desdits mois et an, porte le droict seigneurial et affranchissement      LVII £ XVII Sols II deniers.

 

De la vente faicte par Pierre ENGLEBERT et sa femme à Guillebert TRUFFAULT Bailly de L(e)ers de deux cens de terre à labeur gisans au dit Le(e)rs et tenus d’icelle Seigneurie de la Royère, pour le pris de soixante quinze livres parisis francq argent, le deshéritement et adhéritement faict le quinziesme jour de may an XV cents IIII XX seize, porte le droict seignourial et affranchissement         XIII £ V Sols.

 

De la vente faicte par Pasquier

 

 

Page 4

DEFFRESNES demeurant à Néchin à Pasquier LE THIERY demeurant au dit lieu de trois cens de terre à labeur gisans au dit Néchin tenus de la Royère, pour le pris de C X L IIII livres parisis francq argent, les deshéritances et adhéritances faictes le XXVIème jour febvrier an XV cents IIII XX seize, porte le droict seigneurial et affranchissement        XV £ XVI Sols IX deniers.

 

Nous soubsignez hommes de fiefz et eschevins des terres et Seigneuries de Lobel, Royère, fief du Bois, Bourgies et Conte, certiffions par cestes à tous qu’il appartiendrat que aultres droix de reliefz
seignouriaulx

 

 

Page 5

et dixiesmes deniers ne sont venus et écheus es ces terres et Seigneuries durant le terme cy devant mentionné que ceulx couchez en ce présent estat et déclaration du moing quy soient venus à notre cognoissance. Tesmoing noz seings manuels cy mis en aprobation de vérité.

 

J. CORNUT                                         Jaques DU PRET

 

Hugue DU PRET                                Jacques PLOUCQUET

 

                         Hugue DE LE RUE

 

                 marcque de Hugue DE LESCLUZE

 

                              Piere CARE

 

 



15/10/2011
0 Poster un commentaire

Inscrivez-vous au blog

Soyez prévenu par email des prochaines mises à jour

Rejoignez les 14 autres membres